Промоција на публикацијата

ГАЛИЧКИТЕ КАМЕНИ ПОРТАЛИ

од авторот Косто Граоркоски

сабота 18.8.2018  во 12 часот во Галичник

црква „Св. Петар и Павле“

Промоцијата ке се одржи по повод одбележувањето на 200 години од раѓањето на првиот македонски преродбеник, високиот црковен великододстојник и еден од најпознатите интелектуалци на Балканот во 19 век Партениј Зографски и 140 години од раѓањето на еден од последните галички иконописци Јаков Фрчкоски кој а 50 цркви во Македонија, Бугарија и Србија, а ја иконописал комплетно и црквта Свети Петар и  Павле во родниот Галичник.

Оваа публикација е фотографска приказна за камените влезни портали со кои се додефинира генезата и идентитетот на галичката куќа. Публикацијата претставува еден придонес за македонската архитектонска култура, зошто Галичник со своите градби, поточно со нивното настанување, го надминува значењето на националните и на фолклорните рамки.

Камените портали на влезните врати во галичките куќи сами по себе се една посебна духовна приказна полна со симболи, божја светост, традиција, култура па и имагинација.

Во пазувите на една несекојдневна архитектура тие на сопственикот на галичанецoт му го нудат духовното, радоста, тагата, восхитот, незаборавот.